ضلع شانگلہ بھر میں انسدادِ پولیو مہم کامیابی کے ساتھ مکمل کرلی گئی۔ ڈپٹی کمشنر شانگلہ محمد عبداللہ شاہ، ڈسٹرکٹ ہیلتھ آفیسر ڈاکٹر نظر محمد خان، ڈسٹرکٹ پولیو آفیسر ڈاکٹر اسفندیار اور ای پی آئی کوآرڈینیٹر ڈاکٹر شاہ فہد کی نگرانی میں محکمہ صحت کی ٹیموں نے مہم کے دوران پانچ سال سے کم عمر بچوں کو پولیو سے بچاؤ کے قطرے پلانے اور مقررہ اہداف کے حصول کے لیے بھرپور اقدامات کیے۔
مہم کے دوران پولیو ٹیموں نے ضلع شانگلہ کے مختلف علاقوں، دور دراز آبادیوں، گھروں، سکولوں اور دیگر مقامات پر جا کر پانچ سال سے کم عمر بچوں کو پولیو سے بچاؤ کے قطرے پلائے۔ ٹیموں کی نگرانی، فیلڈ وزٹس اور مؤثر مانیٹرنگ کے ذریعے مہم کو کامیاب بنانے کے لیے اقدامات کیے گئے، جبکہ والدین، مقامی عمائدین اور عوام کے تعاون سے بچوں کی ویکسینیشن کو یقینی بنایا گیا۔
محکمہ صحت شانگلہ کے اہلکاروں اور پولیو ٹیموں نے مہم کو کامیاب بنانے کے لیے بھرپور کردار ادا کرتے ہوئے فیلڈ میں ٹیموں کی نگرانی، مختلف علاقوں کے دورے، بچوں تک رسائی اور انتظامی امور کو مؤثر انداز میں یقینی بنایا۔ محکمہ صحت کے اہلکاروں کی مسلسل محنت اور عملی اقدامات کے باعث فیلڈ ٹیموں کو درپیش مسائل کے فوری ازالے اور بچوں تک رسائی کو یقینی بنانے میں مدد ملی۔
عوامی حلقوں نے ضلع شانگلہ میں انسدادِ پولیو مہم کامیابی سے مکمل ہونے پر ضلعی انتظامیہ، محکمہ صحت شانگلہ، ڈپٹی کمشنر محمد عبداللہ شاہ، ڈی ایچ او ڈاکٹر نظر محمد خان، ڈسٹرکٹ پولیو آفیسر ڈاکٹر اسفندیار، ای پی آئی کوآرڈینیٹر ڈاکٹر شاہ فہد، محکمہ صحت کے اہلکاروں، پولیو ورکرز اور دیگر متعلقہ اداروں و اہلکاروں کی کاوشوں کو سراہتے ہوئے خراجِ تحسین پیش کیا۔
عوامی حلقوں کا کہنا تھا کہ ضلع شانگلہ میں پولیو کے خاتمے کے لیے ضلعی انتظامیہ اور محکمہ صحت کی جانب سے مؤثر اقدامات قابلِ ستائش ہیں۔ پولیو کے مکمل خاتمے کے لیے والدین، محکمہ صحت، ضلعی انتظامیہ، پولیو ورکرز، مقامی عمائدین اور معاشرے کے تمام طبقات کا تعاون ناگزیر ہے